夏天消暑好幫手 - 冷風機

admin

已經立左夏喇！忍唔住要開風扇同冷氣，但係風扇又唔夠涼，冷氣又好嘥電同排碳喎，咁點算好呀？今日就同大家介紹一樣消暑法寶 冷風機！

冷風機嘅原理係當空氣經過機內流動嘅水簾，就可以轉變成涼爽而帶有濕度嘅冷風，令室內溫度下降。唔加水嘅話，冷風機可以令室內降溫大約 2°C ，加水之後可以降溫 4-6°C ，如果加入急凍雪種嘅話甚至可以降溫最多10°C 㗎 ！冷風機嘅功能除咗降溫之餘，唔少型號仲可以加濕、過濾同埋節能，價錢仲要同風扇差唔多。

用冷風機取代冷氣機其實係慳電、慳錢嘅好方法！阿嘆話你知，冷風機製冷嘅時候只需用到 40-80W 電，比起冷氣機最少用 750W，慳電好多㗎！大熱天時，阿嘆認為冷風機係比風扇同埋冷氣機更好嘅選擇嚟㗎！

Amberrrho

嘩！ 咁正！ 我爸爸話出左消費券都買翻部

自己由

放入 冰包或雪種 更加正呀！